Gholf-funksie 13 Maart 2023
Op Maandagaand 13 Maart het PRG se gholfspanne en -ouers by die Markötter Sportkompleks bymekaargekom om PRG se gholfplanne vir die jaar aan te hoor.
Die geleentheid is ook gebruik om ouers en leerders aan die nuwe gholfborg, Mercedes-Benz Stellenbosch, voor te stel én om ‘n geleentheid vir heerlike samesyn te skep. Die geleentheid is bygewoon deur mnr. van Staden, Stephan Jordaan (sporthoof) en gholfafrigter Tienie Hendriksz. Desiré van Deventer en Marius Aylward het Mercedes-Benz verteenwoordig en Amé Greyling (gholfbestuurder) het die ouers verwelkom en toegespreek. PRG sien uit om te sien hoe ons gholfers in 2023 vaar.
