ITF J30-tennistoernooi in Stellenbosch
Vir die tweede agtereenvolgende week het Willem de Waal uitstekend by die ITF J30-tennistoernooi in Stellenbosch gevaar.
Willem het Dawid Scholtz van Paarl Boishaai (HJS) 6/4 en 6/1 geklop en sodoende sy tweede enkelstitel verower. Hy en Dawid het in die dubbelsfinaal kragte saamgesnoer en ook die dubbelstitel gewen.
Xander Pienaar het drie rondes in die kwalifiserende toernooi en drie rondes in die hoofloting gewen. Hy het na die semifinaal deurgedring.
Pieter Kotzé het die kwarteindronde gehaal en die derde gekeurde speler geklop. Luke Verwey het die tweede gekeurde speler in die tweede ronde uitgestof. Pieter en Luke het ook albei die kwarteindrondes van die dubbelsafdeling gehaal.
Baie geluk aan al die PRG-manne!
