Paul Roos O/15-Tennisspanne wen by Gemengde Tennistoernooi
Paul Roos se O/15-tennisspanne het die naweek aan die Maretha Burger O/15 Gemengde Tennistoernooi, aangebied deur HS Stellenbosch, deelgeneem.
Die Paul Roos O/15 A-Span het saam as gemengde span met Bloemhof deelgeneem en ondanks die feit dat hul geen wedstryd verloor het nie, 2de gekom na Paarl Boishaai/Girls High omdat hul minder punte in hul onderskeie wedstryde verdien het.
Die Paul Roos B-span het saam met Rhenish as span deelgeneem en 3de geëindig.
Die spelers was Pieter Kotze, Xander Pienaar, Christiaan Cronje (A span) en Tristan Damseaux, Milan Strydom en Melt van As (B span).
Pieter Kotze is as die beste seuns speler by die toernooi aangewys.
Welgedaan PRG-Tennis!
