Paul Rooser is o/14 Suid-Afrikaanse enkelspel Tenniskampioen
Willem de Waal, ’n Paul Roos Gimnasium-leerder, is gekroon as die nuwe o/14 Suid-Afrikaanse enkelspel Tenniskampioen.
Willem, 3de gekeur, het die Tennis Suid-Afrika nasionale junior toernooi in Bloemfontein gewen deur die 13de gekeurde, Siyabonga Jaca met 6/4; 6/4 te klop.
Willem, ’n Graad 8-leerder, wat ook deel was van Paul Roos Gimnasium se 1ste tennisspan wat die onlangse Zest Fruit Gerrie Berner Toernooi gewen het, het deur die week uitstekende kompeterende tennis gespeel.
Willem het ook die finaal van die o/14 dubbelskompetisie gehaal.
