Paul Roosers in SA Skole Tennisspan
Baie geluk aan Pieter Kotze en Xander Pienaar wat gisteraand na afloop van die Suid-Afrikaanse Interprovinsiale Tennistoernooi in Pretoria ingesluit is in die SA Skole Tennisspan.
Pieter en Xander is albei in Graad 10 en verteenwoordig ook Paul Roos se eerste tennisspan. Die SA Skole Span sal in die Junie-skoolvakansie wedstryde in Londen speel en ook die geleentheid kry om die Wimbledon-kampioenskap by te woon.
Twee ander Paul Roosers, Luke Verwey en Marcel Joubert, het ook die Boland Kavaliers by die Interprovinsiale toernooi in die o. 15-afdeling verteenwoordig.
